Мектепке баруды бірі ұнатса, екіншісі тез бітірсем екен деп тілейді. Алайда ұстаз бен шәкірт туралы жеңіл әзілдер барлығыңызға ұнайды деген ойдамын.
1. Оқушы сабақ айтып болған соң:
- Мен бұл бағаға лайық емеспін, - дейді.
Ұстаз:
- Ренжімеңіз, бұдан төмен баға жоқ.
2. Ұстаз:
- Балалар, білесіңдер ме, суықта барлық заттың көлемі азаяды, ал жазда керісінше. Кім маған өмірден мысал келтіре алады?
Фариза қолын көтеріп:
- Мысалы, жазғы демалыс қысқы демалысқа қарағанда ұзақ, деп айтқан екен.
3. - Бүгін сабақта жолым болды!
- Қалай?
- Ұстазым мені бұрышқа тұрғызып қойғысы келген еді. Барлық бұрыш бос емес екен.
4. Экзаменнен кейін:
- Тапсырдың ба?
- Тапсырған сияқтымын.
- Не сұрады?
- Өзім түсінбедім. Ағылшын тілінде сұрады ғой.

Жолдаған: Бағдатова Шұғыла Дарханқызы 8 жас
Ақтөбе облысы,Темір ауданы, Алтықарасу ауылы

АҚЫЛДЫ

     Төсек тартып жатқан төреші өлер алдында патшаны шақырып:
- Мен енді өлейін деп жатырмын. Төрешілікті саған тастап кетіп барамын.
- Мен қалайша дауларды шеше аламын?
- Еш уайымдама. Егер алдыңа ақылды адам мен тентек келсе, әуелі ақылдыны тыңда, сосын шешімін соған қарап бер. Егер екі тентек келсе, мәселесін сот төрағалары-ақ шешіп тастайды.
- Жарайды. Егер екі ақылды келсе ше?
- Өй, болмайтын әңгіме ғой. Қырық жылдан бері төреші болып, екі ақылдының келгенін көрмеппін.

     Баяғыда екі жалқау болыпты, жалқаулықтары соншалықты, тіпті еріндерін қимылдатуға да ерінеді екен. Күндердің күні екеуі алма ағашы түбінді жатқанда, бірінің көзі көк алмаға түсіп:
- Алма піс, аузыма түс!- депті. Сонда екінші оған:
- Ерінбей-жалықпай соны қалай айттың? - депті.

Бір студент емтихан тапсырып жатыр.
Мұғалім:
- Екі жыртқыш аңды айт, - депті.
Студент:
- Арыстан, жолбарыс.
Мұғалім:
- Енді 5 жыртқыш аңды айт.
Студент:
- 2 арыстан, 3 жолбарыс....

Бір адам киви алу үшін дүкенге келеді. Қандай жеміс алатынын ұмытып қалады.

Сонда әлгі адам дүкеншіге:

- Маған жүн өсіп кеткен картошка береңізші - депті.

- Қыс болса да жаңбыр жауып тұр, - деген әжесінің сөзін 3 жасар Қайрат іліп әкетіп:
- Аспандағы қар еріп, сонан соң ағып тұрған шығар, - деді.

Мұғалім:
- Табиғаттың негізгі төрт элементін ата! - деді.
Оқушы:
- Жер, ауа, от...
- Енді біреуі қандай? Білмейсің бе? Тамақтың алдында қолыңды немен жуасың?
Оқушы:
- Таптым, сабынмен!

Жирафтың азанда ішкен тамағы асқазанына кешке барады екен. Мойнымен жүргенше қай заман.

Қожанасырдың күнде әр нәрсе сұрап келе беретін көршісі бар екен. Бірде көршісі есегін сұрап келеді.
Сонда Қожанасыр ашуланып:
- Есек жоқ, - депті. Көршісі кетіп бара жатса есегі ақырып жібереді. Көршісі:
- Ау, Қожанасыр есек жоқ дегенің қайда? Есегің қораңда аңырап тұр ғой,- депті. Қожанасыр:
- Шыншыл көршіңе сенбегенде ақымақ есекке сеніп тұрсың ба?- депті

Биология сабағы.
– Өмірбаев, қаңқа не үшін қажет?
– Тері түсіп қалмау үшін апай.