Үнді және тынық мұхиттарының жылы суында, көптеген мультфильмдердің кейіпкерлері мен балалардың сүйікті ойыншықтарының түптұлғасына айналған, ашық реңді клоун-балықтар тіршілік етеді. Балақай, сен «Немоны іздеуде» атты танымал мультфилмді көрген боларсың. Сондықтан, саған Немо клоун-балық пен оның қамқор әкесі жақсы таныс шығар. Енді олармен жақын танысудың уақыты келді! Мұндай лақап атты клоун-балық өзінің ашық бояуы және цирк әртістерінің гриміне ұқсастығы үшін алды. Клоун-балықтардың терісінің түсі күлгіннен сарыға және қызылға дейін болады. Клоун-балық теңіз актиниясының (анемонның) қасында өмір сүреді. Теніз актиниясы үлкен улы қармауыштарының арқасында клоун-балықты жауларынан қорғайды. Клоундар актиниялардан қорықпайды, себебі бұл балықтар олардың шағуынан қорғайтын арнайы шырыш бөледі. Клоун-балықтар «үйлеріне» жақсы қарайды: анемонға, ол жейтін түрлі ағзаларды тартады, сонымен қатар оны ластан тазартып, теңіз шаяны сияқты жыртқыштарды қорқытып, жолатпайды. Ағыс айдап әкелетін балдырлармен және планктондармен қоректенеді. Балықтар актинияларынан алысқа жүзуге дауаламайды, себебі айналадағы жыртқыштардың оңай жеміне айналауы мүмкін. Клоун-балықтар өмір бойы жұптасып тіршілік етеді. Бір қызығы, бұл балықтар бойының өсуін мінсіз реттейді: дене өлшемінің ұлғаю үрдісін жылдамдата алады, азайта алады немесе тіпті тоқтата алады.
