Туристтерге, шетелдіктерге қарайтын болсақ, шабадандарының жартысында киім, қалған жартысында кітаптар болады. Ал біз саяхатқа шыққанымызда ойымызға ең соңынан келетін нәрсе – кітап... Шетелдердің қоғамдық жерлерінде біршама адамдардың газет-журнал, кітап оқып отыратын болса, бізде жоқ дерлік деңгейде. Шетелдерде газеттер күндік басылыммен шығатын болса, бізде ең берсісі апталық басылыммен шығады... Елімізде, әсіресе қазіргі қоғамда кітап оқу дағдысы жеткіліксіз дәрежеде...
Десек те осы кітап оқу дағдысын қалыптастыру өте маңызды мәселе. Ең жақсы, ең дұрыс және ең оңай ілім кітап оқу арқылы үйреніледі. Кітап – дыбыссыз мұғалім. Түсінбеген жерлерін бірнеше рет қайталап оқи аласыз. Түсінбегеніңіз үшін сізге ашуланбайды. Ұрыспайды және масқараламайды.
Теледидар мен радио сияқты құралдардан алынған білім уақытша. Көп мәлімет берілсе де, бұларды ақылда сақтау қиын. Өйткені бұл мәліметтерге иемдену үшін ешқандай еңбек жұмсалмаған. Бірақ кітап ондай емес. Белгілі еңбек жұмсалып алынған білімнің ұмыт болу ықтималы өте аз.
Кітап оқыған кезде әрі жаңа мәліметтер үйреніледі, ой-өрісті арттырады, әрі күнделікті қиыншылықтарыңыздан аз болса да ұзақтаған боласыз. Көп кітап оқыған адамдардың сөйлеу мәнері дұрысталады. Әдемі және түсінікті сөйлемдер құрады. Пікірін орынды түрде жеткізе алады. Оқиғаларды тіл байлығымен қызықты етіп айтып береді. Оңайшылықпен ашуланбайды, сабырды үйренеді. Түсінігі мол және шыдамды болады. Кітап оқу дағдысы кіші жастарда пайда болса, әсерлірек, жақсырақ және тұрақты болады. Бұған ата-ананың да көмекші болуы, оқығандарын бірге талқыға салуы, өзі де кітап оқып үлгі болғаны жақсы. Балалар мен жас өспірім оқыған кезде қызығушылық танытатын комикстер, қысқа хикаялар, қызықты балалар ертегілері, сөз қазынасын арттыратын кросcвордтар, жұмбақтар, балалар мен жас өспірімдер үшін дайындалған журналдар да оқу дағдысын тудырады.
