Алланың өзі де рас, сөзі де рас

махаббат, иман, хақМахаббатпен жаратқан адамзатты,махаббат, иман, хақ

Сен де сүй ол Алланы жаннан тәтті. 

Адамзаттың бәрін сүй бауырым деп,  

Және хақ жолы осы деп әділетті.

Осы үш сүю болады имани гүл,

 

Иманның асылы үш деп сен тәхқиқ біл.

Ойлан дағы, үшеуін таратып бақ,

Басты байла жолына, малың түгіл.

Дін де осы, шын ойласаң, тағат та осы,

Екі дүние бұл тасдиқ- хақтың досы.

Осыларды бұзатын және үш іс бар:

Пайда, мақтан, әуесқой - онан шошы.

Абай Құнанбайұлы