Әліппеден басталатын
Отан – ана, қазақ – атым
Кіндік қаным тамған жерім
Қазақстан – төл құжатым.
Аман бол деп байтақ елім
Бата берген атам менің
Ол – туған жер, ол – отбасым
Отаным деп айтар едім.
Мақтан етем Отанымды,
Сүйіп өтем Отанымды,
Сол Отанды қорғау үшін
Бабаларым атқа мінді.
Тауым-тасым барқыт белім
Кенге толы жақұт жерім
Ол мен үшін қасиетті
Жанымнан да артық менің
Әліппеден басталатын
Отан – ана, қазақ – атым,
Бабалардың таңбасы бар
Қазақстан – төл құжатым.
Жамалхан Өтегенова
