Түйе - шөлге бейім жануар

/upd/2015/1125/14484547665655aa6e9bf6c4.35158340.jpg

Қазақ халқы үшін төрт түліктің осалы жоқ. Дегенмен ілгері заманда жылқы мен түйенің адам үшін атқаратын қызметі өте жоғары бағаланған. “Жылқы малдың - патшасы, түйе - малдың қасқасы” деген мақал сол кезде туылған болатын. Мереке - қуанышта, қайғы - қасіретте басқа түскен ауыр күндерде бұл түліктер адамның айырылмас жан досы болған. Түйелердің өркештерінде 30-35 кг-ға жуық май болады. Қатты ашыққан кездерінде осы энергияның күшімен жүреді.
Сонымен қатар құрғақшылыққа да, ыстыққа да төзімді болады. Суды аса көп қажет ете бермейді. Мұрынның шырышты қабығы адамдардікімен салыстырғанда 100 есе үлкен. Тыныс алған кезінде ауадағы ылғалдың үштен екі бөлігін бойына сіңіре алады. Суды дене жасушаларынан жоғалтады. Қандағы су мөлшеріне әсер етпейді. Түйе 150 - 200 кг. жүкпен 30 - 40 шақырым жол жүре береді. Қазақ халқы еті мен сүті, әрі тағам, әрі шипалы дәрі, жүні - киім, өзі - сенімді көлік болған қасиетті жануарды төрт түліктің төресі санаған. Сүтінен емдік қасиеті бар май, шұбат, сыр дайындалса, еті тағамға қолданылды, ал жүні 85 пайыз таза өте бағалы түбіттен тұрады. Барлық шөптің түрін жей береді, шөлге шыдамды. Олардың салмағы 550 - 650 кг, ол 10 - 12 кг. жүн беріп отырады. Басқа үй жануарларына қарағанда түйе біздің елімізде өте аз. Түйе киелі жануар – пайдасы да мол. Қазақтың түйе сүтінен жасалатын ұлттық сусыны - шұбат. Шұбат - түйе сүтінен ашытылады. Бұл - әрі сусын, әрі тағам. Өйткені бие сүтіне қарағанда түйе сүті өте майлы келеді. Оның емдік қасиеті мол.
Түйенің түрлері және ерекшелігі:
Түйенің жас ерекшеліктеріне байланысты мынандай атаулары бар:
1. Бота
2. Тайлақ ( 2 жас)
3. Құнанша (3 жас)
4. Інген ( 4жас)
5. Атан ( 5 - 6 жас)
Түйе: күйіс қайтаратын, жұп тұяқты, шөл және шөлейтті жерлерге жақсы бейімделген үй жануары. Түйенің аналығын - іңген, аталығын – бура деп атайды.